കാക്കനാട് കുന്നുംപുറം വനിത മിത്രം ഹോസ്റ്റലിൽ റേഡിയോ ജോക്കിയെ തൂങ്ങിമരിച്ച നിലയിൽ കണ്ടെത്തി.മലപ്പുറം താനൂർ സ്വദേശിനിയായ പോത്തേരി വീട്ടിൽ ഐശ്വര്യ (25)യെയാണ് തൂങ്ങിമരിച്ച നിലയിൽ കണ്ടെത്തിയത്.ശനിയാഴ്ച്ച ഉച്ചക്ക് 12 നാണ് തൂങ്ങി മരിച്ച നിലയിൽ ഹോസ്റ്റൽ അധികൃതർ കണ്ടത്തിയത്.തുടർന്ന് ഹോസ്റ്റൽ അസിസ്റ്റൻ്റ് വാർഡൻ ക്രിസ്റ്റീന അഗസ്റ്റിൻ തൃക്കാക്കര പൊലീസിൽ വിവരം അറിയിക്കുകയായിരുന്നു. തൃക്കാക്കര എസ്.ഐ വി.ശ്രീജിത്തിന്റെ നേതൃത്വത്തിൽ സ്ഥലത്തെത്തി പൂട്ട് പൊളിച്ച് അകത്തുകയറുകയായിരുന്നു.മൃതദേഹം കളമശ്ശേരി മെഡിക്കൽ കോളജിലേക്ക് മാറ്റി.കാക്കനാട് ഇന്റർ ധ്വനി മീഡിയ അക്കാദമിയിലെ റേഡിയോ ജോക്കിയാണ് ഐശ്വര്യ.